من أنا ؟

أنا ” عمرو عادل ” مبحبش أتكلم عن نفسى كتير لكن انا من مصر و مهندس ميكانيكا قوى لكن رغم تخصصى فى الهندسه لكن بحب جدا بجانب حبى للكورة و النادى الأهلى المعلومات العامة و الثقافة بشكل عام و دايما كنت متعود انى لما أكون متواجد مع أصدقائى أشاركهم فى المعلومات دى و أتناقش معاهم فيها و مع التطور التكنولوجى اللى بيحصل حوالينا و وجود شبكات التواصل الإجتماعى دا أدانى فرصة إنى أتعرف على أصدقاء جدد و طبعا أستمريت فى أنى أحب أشاركهم فى معرفة المعلومات دى .

و بطبيعة الحال و لأن التواصل مع الأصدقاء عبر الأنترنت مختلف عن الواقع كان لازم أجد حلول للمعضله دى و لأن عندى خبرة فى مجال تصميم المواقع دا سهل عليا أنى أعمل الموقع دا و أدير محتواه و تبقى فيه المواضيع و المعلومات اللى أنا أعرفها و يمكن كمان اللى بتعرف عليها معاكم و اللى أتمنى دايما أنها تكون عند حسن ظنكم .

تحياتى

عمرو عادل

شارك الموضوع