يمكن فيه ناس تعرفها .. لكن اللى ميعرفهاش هقوله ببساطه .. تعرف معاطى فى فيلم ابو العربى و هو بيصرخ فى الولد و بيقوله دا انا اولع فيك و فى بلدك .. يمكن احنا بناخدها مجرد تعبير مجازى .. لكن لو قالها واحد من عيلة روتشيلد .. يبقى لازم تاخد كلامه بجديه .. و دا لانها عيله ثريه جدا ووصل درجة ثرائها انها تقرض بنوك و كمان دول بالاموال و الذهب و دا بيديها نفوذ ممكن يمكنها من التدخل فى صنع قرارات للدول دى .طيب ايه اصل العيله دى و حكايتها ؟ .

شوف يا سيدى ييرجع تأسيس العيله دى لواحد تاجر يهودى اسمه “أمشيل روتشيلد” و اللى معناه بالالمانيه الدرع الاحمر .. عم امشيل دا بدء فى تأسيس العيله دى و ينشرها فى اوروبا و دا عن طريق اولاده الخمسه و اللى بعتهم لخمس عواصم مختلفين عشان يبتدوا نشاطهم التجارى .. و مع كل واحد فيهم بنى ليه مؤسسه ماليه فى المكان اللى هو متواجد فيه و كانت التقسيمه كالاتى .. المانيا من نصيب الواد “أتسليم” و النمسا من نصيب الواد “سالمون” اما الواد “ناتان” على بريطانيا و “جيمس” على فرنسا و اخيرا “كارل” على ايطاليا .

العيله ماشيه بعادات و تقاليد و فكر زى التنظيمات السريه .. ليها قوانين و اسس محدش يتخطيها يعنى الرجاله لازم يتجوزوا من يهوديات و لازم يكونوا من ذوات الحسب و النسب اما ستات العيله فمسموح ليهم انهم يتجوزوا اللى هما عاوزينه لان الرجاله هما اللى ماسكين ادارة العيله من الالف للياء و مشاركة الستات في ادارتها ثانويه فالدم اليهودى بيفضل مستمر فى العيله دى .كان اول انشطتها فى مجال التجارة و السمسرة زى اى عيله يهوديه لكن بعد كدا بدأت تخش فى استثمارات السكك الحديديه و بدأت هى اللى تكون مسئوله فى بناء كل خطوط السكك الحديديه فى اوروبا .. و بعدها اتوسعت انشطتهم فى انواع مختلفه من التجارات زى بناء السفن و الاسلحه و الادويه .. فتدى الاسلحه لجيوش الدول عشان تروح تحارب و تتوسع و تستعمر و تكسب هى من مبيعات السلاح و كمان تديهم الادويه و المستلزمات الطبيه اللى تعالج جرحى الحروب دى .. و بعد انتهاء الحرب شركات روتشيلد هى اللى تخش فى مرحلة اعادة البناء و الاعمار .. يعنى تكسب و هى بتهد .. و كمان تكسب و هى بتبنى .. شوفت الدماغ بتاعتهم .. حانوتيه فلوس .طيب ازاى ليهم نفوذ على الدول ؟ .. بمنتهى البساطة .. الفرع الفرنسى للعيله كان هو المسئول عن تمويل كل حروب نابليون بونابرت .. اما الفرع البريطانى فكان هو اللى بيمول حروب انجلترا سواء فى حرب القرم او حتى فى الحرب العالميه التانيه دا غير انهم كمان اللى مولوا بريطانيا عشان يشتروا اسهم مصر فى قناة السويس ايام الخديوى .. و خد عندك ان العيله دى هى اللى مولت اليابان فى حروبها مع الروس مع بدايات القرن العشرين .. و مش بس كدا دا هما اللى كان ليهم اليد فى استقلال البرازيل من البرتغال عن طريق اشتراط البرتغال الاعتراف باستقلال البرازيل مقابل مبلغ 2 مليون جنيه استرلينى و هما اللى دفعوا المبلغ دا .. انت متخيل مدى نفوذهم واصل لدرجة ايه .يمكن العيله دى من اوائل العائلات اللى قدرت تعرف ان لا حمايه للمال الا بالسياسه فبدأت تخش المحافل السياسيه اما عن طريق العلاقات مع الملوك و الرؤساء للعواصم اللى هما فيها او حصولهم على الالقاب المتعدده زى ” بارون او لورد او كونت او حتى جناب العمدة ” و كمان عن طريق مشاركتهم فى الحياة السياسيه بشكل مباشر عن طريق انضمامهم كأعضاء لمجالس النواب او الشيوخ .

نيجى بقى لدور عيلة روتشيلد فى قيام دولة اسرائيل .. يمكن العيله كلها مكانتش مقتنعه بالموضوع دا .. لكن الفرع الانجليزى ليها هو اللى كان الاكثر تحمسا و نتيجة لافضال العيله دى على بريطانيا وقت الحرب العالميه الاولى قدروا انهم يطلعوا منها بوعد بلفور لانشاء وطن قومى لليهود فى فلسطين و كانوا مسئولين تمويليا عن ارسال اليهود ليها عن طريق الوكاله اليهوديه و اللى كان اول رئيس ليها هو جيمس روتشيلد دا غير انهم مولوا مشاريع اقتصاديه كبيره فى اسرائيل حتى مبنى الكنيست نفسه هما اللى عاملينه .

و ادى يا سيدى ملخص بسيط عن العيله دى .. بس يمكن هما نقطتين اللى كانوا فى دماغى و انا بكتب الموضوع دا .

– اول حاجه كانت اصابع اتهام الالمان موجهه لليهود انهم سبب خسارتها للحرب العالميه الاولى و يمكن دا اللى خلى هتلر و حزبه النازى يتعامل معاهم بمنتهى القسوة بعد كدا .. يعنى يمكن انا كنت مفكر انهم بيبالغوا لكن لما قريت مدى نفوذ العيله دى ممكن يوصل لدرجة ايه قدرت اتفهم ليه الالمان كانوا شايلين و حاطين عليهم حتى لما القوات الالمانيه دخلت النمسا مسكوا قصور روتشيلد تحديدا و سووها بالارض .

– النقطة التانيه ان المال هو اللى بيتحكم فى السياسه و الساسه و زى ما انتوا شايفين عيلة روتشيلد بتصنع حروب و تنهيها ..و ليها نفوذ على حكومات .. و كمان بتشارك فى استقلال دول .. يعنى .. تخيل كدا نابليون بونابرت امبراطور فرنسا بتاع الحمله الفرنسيه و ما تلاها و هو واقف يتذلل لواحد من عيلة روتشيلد عشان يديله قرشين يروح يحارب بيهم و انت تقدر تعرف لاى درجة الاموال و المصالح هى اللى تمشى اقدار و مصائر امم .

شارك الموضوع

عمرو عادل

فى الحياة الواقعيه مهندس ميكانيكا قوى اما فى الحياه الافتراضيه فباحث و كاتب و مدير الموقع دا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *